Kæru viðskiptavinir, Vegna breytinga hjá Ísland.is þarf Staðlaráð Íslands að skipta yfir í nýtt innskráningarkerfi í vefverslun sinni. Innskráningin sjálf breytist ekki að ráði og byggir áfram á notkun rafrænna skilríkja notenda en þau fyrirtæki sem hafa gefið starfsmönnum umboð vegna reikningsviðskipta eða áskriftarsamninga þurfa að endurnýja þau umboð í nýju kerfi. Eldra kerfi verður tekið úr sambandi 1. september og því mikilvægt að ráðast í nauðsynlegar breytingar strax til að tryggja hnökralausa aðlögun og koma í veg fyrir töf á viðskiptum. Leiðbeiningar um aðgerðir má finna hér.
Ávinningur af þátttöku í staðlastarfi er margvíslegur. Aðilar í tækninefndum hafa áhrif á það hvert inntak staðla er og hafa þar með áhrif á þróun í sinni atvinnugrein. Þeir fá þannig líka vitneskju um framtíðarþróun atvinnugreinarinnar, koma auga á tækifæri til nýsköpunar og viðskipta, fá tækifæri til að vinna með sérfræðingum í sínu fagi og leggja sitt af mörkum til að viðhalda góðum vinnubrögðum og viðmiðum í sínu fagi.
Notkun staðla er talin stuðla að framleiðni- og framleiðsluaukningu, hún brýtur niður viðskiptahindranir og eykur öryggi og gæði.